كل ما تريدين معرفته عن منطقة حول العين

عندى هالات سودا حوالين عيني مش عارفة اعمل ايه!

شكل الجلد حوالين العين من الحاجات الى بتقلق اي واحدة و خصوصا انها اكتر مكان ظاهر فى الوجه و اكثر الاماكن اللى بتغير فى شكل الوجه و بتأثر على جماله و هنعرف دلوقتى اهم خطوات لازم  نتبعها للحفاظ على الجلد فى المنطقة الحساسة دى

اول حاجه عدم الافراط فى المكياج خاصة فى سن مبكر و البعد عن السهر و المنبهات مع الحرص على التغذية السليمة و الاكلات الغنية بالحديد زي الكبدة و العسل الاسود و السبانخ و الجوافة و التفاح و شرب كميات كافية من الميا

و مننساش استعمال كريم مرطب خاص بالبشرة الحساسة و خصوصا فى منطقة العين و دى بنسميها  eye contour ننصح باستخدام Sensibio eye contour ملطف و مرطب كويس للمنطقةدي

ده مع استخدام المستحضرات الموضعية الغنية بالفيتامينات و خصوصا فيتامين C المهمة جدا للمنطقة دي و فيه مستحضر كويس لمنطقة ما حول العين اسمه Nano pure

و فيه حاجه مهمة جدا جدا دايما ننساها و هى واقى الشمس فى المنطقة دي و لازم نختاره بعنايه عشان ميكونش ضار لانه لازم يبقى آمن تماما للمنطقة الحساسة دي و ننصح بـ Photoderm 100, Avene 50+ , Barriesun 50+

اما بالنسبة للاسباب فالهالات السوداء ليها حوالى 10 أسباب منها زي ما قولنا قبل كده : اسمرار بالبشرة نفسها او تجويف العين الغائر اللى بيكون لونه غامق بسبب انعكاس الضوء أو بسبب الانتفاخ نفسه اللى بيظهر تحته ظل او بسبب ظهور الاوعية الدموية تحت الجلد مع رقة الجلد فبتدى اللون الغامق من بعيد و ممكن تكون بسبب خطوط دقيقة بتدي بردو لون غامق من بعيد او ممكن يكون بسبب جفاف بيدى لون باهت او مشاكل تانية و كل مشكلة ليها علاج خاص
يعني مثلا التجويف الغائر علاجه بيبقى حقن المواد المالئة اما الاوعية الدموية اللى بتظهر تحت الجلد حلها بيبقى انواع معينة من الليزر اما الاحتقان و الاجهاد بيبقى علاجه مضادات الاجهاد و الاحتقان مثل Nuxe Prodigieuse eye contour لو فيه جفاف يبقى بنحتاج مرطب و ملطف وننصح بـ Sensibio eye contour اما لو بسبب تجاعيد و خطوط يبقى بنشوف حسب السن لو فوق 35 يبقى  Ystheal eye contour انما لو اكتر من 45 يبقى بنستخدم Eluage eye contour

الانتفاخات حوالين عيني مشكلة بتزعجنى حلها ايه؟

الانتفاخات بتبقبى احيانا عبارة عن دهون لو بسيطة ممكن التحايل علي شكلها بالحقن الموضعى لل Hyaluronic Acid فى التجويف اللى بيظهر تحت الانتفاخ و اللى بيخلى شكلها أسوأ

اما لو كانت الدهون كتير .. فى الحالة دى لازم تستشيري جراح التجميل فورا لان الحل الجراحى هو الحل الامثل

أما لو الانتفاخات دي بسبب تراكم و تجمع سوائل ممكن تكون نتيجة اضطراب فى الدورة الدموية او احنقان فى المنطقة دي يبقى ممكن نستخدم المستحضرات الموضعية اللى بتعمل على ازالة الانتفاخات و تحسين قوام الجلد فى المنطقة دي بتكون Anti puffiness مثل Nuxe Prodigieuse eye contour
ده غير طبعا فى العموم مهم جدا اننا نظبط ساعات نومنا و الوجبة الصحية و ممارسة الرياضة باستمرار